Politique

Keron Idealson “Tokony fampihavanana aloha vao natsangana ny HCJ”

Politique
Alarobia 04 Novambra 2020

Mety hiteraka adihevitra ny fanapahan-kevitra horaisin` ny Fitsarana avo (HCJ) manoloana ireo raharaham-pitsarana tomponandraikim-panjakana ambony.

Maro no manahy fa hanana endrika fitsarana fanenjehana izay resy ary fitsaran`ny mpandresy ity fitsarana ity. Raha tokony ho izy dia ny fampihavanana no tokony nandeha aloha vao niroso tamin`ny fitorohana, hoy Keron Idealson, solombavambahoaka any Ampanihy. “Mitombina ny ahiahy rehetra. Tokony efa maro ny dingana nolalovan`ny firenena mialoha ny fannganana ny fitsarana avo. Manana hadisoana daholo ireo mpitondra tsy nanangana io fitsarana io ara-potoana. Raha tokony no izy dia nisy ny fampihavanam-pirenena” Namafisiny hatrany fa amin`ireo heloka sy karazana fiarahamonina nisy, na ara-pitondrana nisy dia ao no hamehezana ny rehetra ka tokony manomboka eo no tena hiasa ny fitsarana avo.

Marigny A.