Politique

Jeneraly Désiré Ramakavelo “Mila manapa-kevitra haingana ny Filoha”

Politique
Alakamisy 15 Jolay 2021

“Miteraka olana amin’ny fitantanan’ny filoha ny firenena ny fananany maro an’isa. Misy ny tsy fitovian-kevitra eo amin’ny mpanao lalàna sy ny mpanatanteraka,

kanefa ry zareo ihany anie no maro an’isa ao e!”, hoy ny Jeneraly Désiré Ramakavelo tao amin’ny fahitalavitra Real TV Madagascar omaly. Samy miaraka amin’ny fitondrana, manahirana io zavatra io satria rehefa misy amin’izay ny tsy mety dia sarotra ilay hoe : iza no esorina? Izay no lafy ratsin’ilay hoe anao daholo ny maro an’isa atsy sy aroa, hoy izy. Lasa toa misy fanerana an-kolaka ny filoham-pirenena ilay zava-misy, ary ireo olona ireo dia samy manasoaso ny Filoham-pirenena. Mety hitera-doza ho an’ny firenena io tsy fifankazahoana sy sorisory io raha tsy ahitam-bahaolana haingana. Ny filoham-pirenena irery ihany no afaka mamaha olana, ary manahirana raha tsy manapa-kevitra haingana izy, hoy ity manamboninahitra misotro ronono sady mpandinika raharaham-pirenena ity.

Toky R