Politique

Jean Louis Rakotoamboa “Maloto ny fitsipi-dalao momba ny demokrasia eto”

Politique
Alarobia 17 Novambra 2021

Isan’ny antso lehibe nataon’ny FFKM, hoy ny filohan’ny antoko politika Teza, Jean Louis Rakotoamboa, tamin’ny taona 2013 ny hoe jereo ny fomba rehetra tsy hiverenan’ny krizy intsony eto Madagasikara.

Nahita izahay, hoy izy, rehefa nandinika lalina fa maloto ny fitsipi-dalao momba ny demokrasia eto amintsika. Manome vahana ny rafitra misy ahafahana ny eo amin’ny fitondrana manao ny danin’ny kibony na “verouillage”. Haingon-tsehatra fotsiny ny asa. Miantso ny FFKM izahay hitarika ny adihevitra rehetra hanitsiana izany. Izany no hatao dia mba hahafahana manorina ny repoblika sy fitondram-panjakana marina. Tsy ailika ny mpitondra fa mandray anjara miaraka ao daholo isika rehetra satria ny mpitondra isan’ny mahatonga izao zava-maloto eto amin’ny firenena izao. Vita izay dia mandeha milamina ny fitsapan-kevi-bahoaka sy ny fifidianana rehetra dia izay lany eo lolohavina an-tampon’ny loha dia milamina ny rehetra. Mety ho lavalava izay dingana izay nefa aleo hidirana mba tsy hisian’ny ra mandriaka, hoy hatrany I Jean Louis Rakotoamboa.
J. Mirija
Legende: Jean Louis Rakotoamboa