Politique

Imbiki Herilaza “Tokony takiana hatramin` ny farany ny Iles Eparses”

Politique
Alarobia 27 Mey 2020

“Ny lalàna iraisam-pirenena, hita taratra tamin` ny fanapahana navoakan` ny Firenena Mikambana tamin` izany fotoana izany, tamin` ny alalan` ny “resolution”

no efa milaza fa tsy maintsyn averina amin` ny firenena Malagasy ny fiandrianany amin` ireo nosy kely Malagasy any amin` ny ranomasimbe indianina” hoy Imbiki Herilaza, mpahay lalàna manoloana ny fitakiana ny nosy Eparses. Na efa nisy aza ireo dingana vita, hoy izy, teo amin`ny firenena roa tonta dia tsy nanakana ny frantsay no namoaka volavolana didim-panjakana taorian` iny fanambaran`ny Filoha Rajoelina iny ary misy amin` izao fakan-kevitra faobe (consultation publique) hatramin`ny 01 jona izao mahakasika izany. Nomarihany hatrany fa na dia eo aza izany didim-panjakana izany dia io lalàna iraisam-pirenena io ihany no manankery ary tsy tokony hentina amin` ny tanjaka ara-politika sy ara-toekarena ny fampiharana lalàna iraisam-pirenena tahaka itony ka tsy maintsy manaraka izany ny firenena rehetra. Noho izany, tsy manan-kery ny didim-panjakana navoakan` ny frantsay ka tokony hotakiana hatramin` ny farany ny vahaolana naroson` ny Firenena Mikambana. Miantso ny firaisan-kinan` ny Malagasy izy ary midera ny efa nasehon` ny Antenimieram-pirenena farany teo mba hamporisika hatrany ny fahefana mpanatanteraka hanohy ny fitakiana dipalomatika ireo nosy Malagasy ireo.

Marigny A.