Politique

Iavoloha Nibolisatra i CamilleVital !

Politique
Alatsinainy 17 Janoary 2011

Nibolisatra ny fomba fitenin’ny praiministra Camille Vital ny zoma lasa teo, teny Iavoloha, raha niresaka tamin’ny mpanao gazety izy, ary dia nilaza fa tsy fanapahan-kevitr’olon-tokana intsony amin’izay ny governemantan’ny firaisam-pirenena izay hitsangana atsy ho atsy.

Izay tokoa angamba ilay hoe nokibokiboin’ny marina ka nilaza ny tsy nanontaniana, fa dia niaiky ampahibemaso izany ny jeneraly Camille Vital tamin’ny alalan’io fehezanteny nibolisatra io fa tena fanapahan-kevitr’ankolafy tokana avokoa no nisy teto hatramin’izay, ary ny rafitra hitsangana manaraka eo no tena hahitana taratra ny fiaraha-mitantana. Hoy indrindra izy hoe : «tsy unilatéral intsony ny fanapahan-kevitra amin’ny manaraka eo fa dia samy malalaka amin’ny fanehoan-keviny ny rehetra … ».

Nangonin’i RTT