Politique

Hery Rasoamaromaka “Tsy tokony ho sakana ny tsy fitovian-kevitra ara-politika”

Politique
Zoma 27 Novambra 2020

Tosika lehibe amin`ny fanatratrarana tanjona amin` ny lafiny fampandrosoana eto

amintsika ny fifanomezan-tanan` ireo olom-panjakana eny ifotony sy amin`ireo mpanatanteraka ihany koa. Notsindrian` ny governoran’Analamanga, Hery Rasoamaromaka, omaly fa efa maro ireo asa notanterahiny teto anivon` ny faritra izay namaly ihany koa ny filan`ny eny ifotony. Tsy azo ihodivirana kosa ny fanamboaran-dalana izay havokavoky ny toekarena amin`ny lafiny rehetra. Tsy tokony ho sakana ny fampampandrosoana rahateo ny tsy fitovian-kevitra ara-politika, hoy ihany izy. Notontosaina tetsy amin` ny lapan` ny fanatanjahantena Mahamasina omaly moa ny andro iraisam-pirenena ho an`ny faritra (JIR) ka ny faritra Analamanga no nisantarana ny andiany voalohany. “Analamanga, fitaratra ho an`ny fampandrosoana ifotony, ain-dehiben` ny fisandratan`i Madagasikara” no lohahevitra amin`izany. Ny tanjona moa dia ny hanohanana ny fampandrosoana miainga amin`ny faritra amin` ny alalan` ny vovonana manokana mba hahafahan`ireo mpiantsehatra isan’ambaratonga hifanerasera sy hifanakalo-hevira ho amin`ny fampandrosoana maharitra.

Marigny A.