Politique

Gérard Ramamimampionona « Tsy fanaovana politika ny fanakorontanana »

Politique
Alarobia 02 Febroary 2022

Tsy fanaovana politika ny fanakorontanana hoy Gérard Ramamimampionona, tompon’andraikitra eo anivon’ny CFM na ny filankevitry ny Fampihavanana Malagasy raha naneho ny heviny mikasika ny zava-misy eto amin’ny firenena

ankehitriny izy. Diso nahazo vahana teto amin’ny firenena loatra mantsy tato ho ato ny tsy fitovian-kevitra eo amin’ny mpitondra sy ny mpanohitra ka raha vantany vao misy trangan-javatra iray azo ritina dia tonga hatrany any amin’ny tranga tsy eritreretina izany izay mety hitondra fikorontanana. Mila mibea sy beazina ara-politika isika hoy hatrany ity tompon’andraikitra ity mba ho tena politika marina no hatao eto amin’ny firenena ka tsy hampiady, tsy hifanilika, tsy hifanakorontana… fa hifanaja, hifampihaino, hifameno, hihavana, ary hiasa hikatsaka ny soa iombonana ho fampandrosoana ny Malagasy. Notsiahiviny moa fa ny mpitondra tokony hahay hihaino ny mpanao politika sy ny vahoaka ary ireto farany ihany koa tokony hahay haneho hevitra sy hampahafantatra izay marary azy tsy misy ambadika. Ny fanaovana politika moa dia notsoriny fa fikatsahana ny tombontsoan’ny daholobe, fifandimbiasan-toerana fa tsy fibodoana fahatany izany, fahaizana mihaino sy mandinika ny zava-misy hahafahana mitondra vahaolana ho tombontsoa ambonin’ny firenena.
Pati Legende : Gérard Ramamimampionona,