Politique

Fizaran-toerana �Tsy anjaran�ny TIM sy TGV-UDR-C samirery�, hoy ny HPM

Politique
Alakamisy 13 Janoary 2011

Rariny raha ny ankolafy Ravalomanana sy ny UDR-C miampy ny TGV no manomboka ny fifampidinihan�ny mpanao politika ankehitriny satria ireo vondrona roa ireo no tena nifandona ka niteraka ny krizy araka ny hevitry ny Sekretera jeneralin�ny HPM, Manantsoa Victor.

Na izany aza dia manantena ny HPM fa mbola hivelatra amin’ny antoko sy fikambanana mpanao politika hafa ny dinika fikaroham-bahaolana mba hampiverina amin’ny laoniny amin’izay ny toe-draharaha politika eto amintsika. Mbola maro rahateo, hoy hatrany ity filohan’ny vaomiera misahana ny famotsoran-keloka sy fampihavanam-pirenena ity ny raharaha mila fandinihana lalina toy ny famoahana ny lalàna momba ny antoko politika, ny satan’ny mpanohitra, ny fanatsarana ny lalam-pifidianana sy ny famoahana ny lalàna mifehy ny fifandraisana. Nambaran-dRalison Roger, tompon’andraikitry ny serasera eo anivon’ny HPM koa fa ny besinimaro no miara-manapaka ny isan’ny seza ao anatin’ny rafitry ny tetezamita iraisana fa tsy anjaran’ny TIM sy ny TGV ary ny UDR-C samirery akory ; izay no valin-kafany manoloana ny filazana fa efa mandrafitra ny fizaran-toerana sahady ireo mpivory eny amin’ny Le Hintsy.

Yves