Politique

Fitsapan-kevi-bahoaka Hamoaka vokatra feno ny CENI

Politique
Alatsinainy 29 Novambra 2010

Rahampitso talata 30 novambra tolakandro no fantatra fa hamoahan’ny Vaomieram-pirenena mahaleotena momba ny fifidianana ny vokatra feno, tsy ofisialy, mikasika ny fitsapan-kevi-bahoaka natao ny alarobia 17 novambra lasa iny. Roa ambin’ny folo andro taorian’ny nahavitan’ny latsa-bato no hamantarana na hanombanana no marimarina kokoa ny vokatra sy ny salan’isa azon’ny ENY sy ny TSIA nandritra iny fifidianana nisantarana ny fampiasana ny bileta tokana teto Madagasikara iny. Ny Fitsarana avo momba ny lalàmpanorenana moa, araka ny voatondron’ny lalàna, no mamoaka ny vokatra ofisialy. Araka ny nitaterana ny nambaran’ny KMF/CNOE, mpanara-maso ny fifidianana, ny COSC-D vondrona fiarahamonina sivily, dia iny fifidianana iny no fifidianana ratsy indrindra tato anatin’ny 20 taona.

Jean D.