Politique

Fitoriana 6033 voarain’ny Bianco Fanodinana volam-panjakana ny ankamaroany

Politique
Alarobia 11 Novambra 2020

6033 ny isan’ny fitoriana kolikoly voarain’ny Bianco ny taona 2019, ary tany amin’ny taona 2008 no nisiana fahasahiana tahaka io. Raharaha fanodinkodinana volam-panjakana no betsaka indrindra tamin’io, ary rehefa vandana dia kary fa tsy misy hoe manenjika.

Tany amin’ny Minisitera sy sampan-draharaha rehetra dia nahitana avokoa. Miantso ny mpanao tsikera ho sahy hatramin’ny farany ho an’ny Bianco. Rehefa manao fitanana an-tsoratra dia aza atao hoe tsy hitonona anarana, ary miantso an’ireny. Nahatratra 55 ireo naiditra am-ponja vonjimaika noho ny raharaha kolikoly ny taona 2019, araka ny tatitry ny Bianco omaly. Raha tsiahivina dia 24/100 no naoty azon’i Madagasikara ho an’ny taona 2019, izay nihena isa iray mitaha ny 2018. Faha-158 amin’ny firenena 180 i Madagasikara, raha faha-152 ny taona 2018, raha toa ka faha-84 tany amin’ny taona 2008, izany hoe nihemotra toerana 74 teo tao anatin’ny 12 taona.

Toky R