Politique

Fitondrana Rajoelina Miezaka manamarin-tena

Politique
Talata 29 Septambra 2020

Mandresy lahatra hatrany ny vahoaka Malagasy ny fitondram-panjakana fa na dia eo aza ny aretina Covid 19 dia mandeha foana ny asa fampandrosoana. Mitohy foana ny fanatanterahana ireo tetikasam-panjakana, na dia misy aza ireo fanapahan-kevitra tsy mifanaraka amin` ny fomba fitantanana asam-panjakana.

Na dia eo aza ny tsy fanajàna ny lalàmpanorenana, araka ny fanazavana ataon` ireo mpahay lalàna samihafa, dia tsy manakana ny fitondrana izany. Manohy ny fanatanterahana ireo fotodrafitrasa nampanatenain` ny Filoham-pirenena ny fanjakana na dia eo aza ireo tetikasa tsy mahamaika ho an` ny firenena. Tsara kosa ny manamarika fa ireny fitsidihana faritra ataon` ny filoha Rajoelina ireny manaporofo fa ny ankamaroan` ireo tetikasa dia ny fitondrana teo aloha no namolavola azy ireo ka manatanteraka na manohy sisa ny fitondrana ankehitriny. Asisika eny antsefatsefany eny ny hoe velirano natao dokam-barotra be nandritra ny propagandy, mba hanamarinan-tena sy handresen-dahatra ny olona fa hoe miasa izy fa raha ny tetikasa goavana tahaka ny TanaMasoandro izao dia tsy mety miainga efa ho roa taona latsaka kely aty aoriana.

Marigny A.