Politique

Fitondrana MAPAR Be no diso fanantenana

Politique
Alakamisy 01 Oktobra 2020

Maro sahady ireo mpanohana an` i Andry Rajoelina no diso fanantenana fa toa tsy mena mivadika ity Filoham-pirenena ity.

Ny ankamaroan` ireo mpomba azy dia nieritreritra avokoa fa hisokatra indray ny afera, Misy ireo zatra an` ilay gaboraraka nisy tamin` ny tetezamita. Marihana fa tsy mitovy intsony ny fitondrana tetezamita sy ny fitondrana nipoitra tamin’ny fifidianana. Raharaha politika no atrehina ka tsy maintsy fehezina ny olona ao anatin`ny antoko sy fikambanana nanohana. Zava-doza anefa no mety ho vokatr` izao ady mangatsiaka raha toa ka tsy mandinika ny Filoha Rajoelina. Raha hiverenana ny teny filamatra iray izay nandritra ny fifidianana dia nanao hoe : “Mpanganana fa tsy mpandrava” dia voaporofo izao fa sarotra ho an` ny mpandrava no mandamina sy manangana.

Marigny A.