Politique

Fitondrana ankehitriny « Tsy tokony hiala bala intsony. »

Politique
Alakamisy 20 Jona 2019

Fanjakana IRD na Mapar no mitondra izao, hoy ny mpahay lalàna Willy Razafinjatovo na Olala.

84 eo no tokony ho depioteny, araka ny nambaran’ny CENI. Tsara ho an’ny mpitondra ankehitriny io amin’ny lafiny iray satria andeha ho azy fotsiny izay lalàna hotapahana eny amin’ny antenimieram-pirenena raha manaja ny fitsipiky ny antoko ireo olomboafidiny ireo. Tsy tokony hanana irika hialana bala intsony ny fitondrana hoe sakana avy amin’ny mpanohitra no tsy nahatanteraka ny politikany. Na izany aza anefa, hoy izy, dia tokony hisy ny mpanohitra ary avy aminy no akana ny filoha lefitry ny antenimieram-pirenena. Tokony hanatanteraka ny fandaharany an-tsakany sy an-davany amin’izay izany ity fitondrana ity, hoy izy, ary raha mahay mihaino ny mpanohitra izy dia tombony ho azy handany azy amin’ny taom-piasany manaraka izany.

J. Mirija