Politique

Partagé sur :
• facebook

Maro tamin’ireo tanora izay tafaresaka taminay no naneho ny heviny mikasika ny fitondrana misy amin’izao izay tantanin’ny filoha Andry Rajoelina.

Ireo tetikasa entina hanampiana tanora fotsiny aza dia efa nahakivy azy ireo izay misy sasany tetikasa tsy mipaka mivantana amin’ireo tanora izay tokony ihantefany. Maro ny olanay hoy ireo tanora ny tsy fisian’ny asa nefa ny vidim-piainana miakatra isan’andro. Eo koa ny halafon’ny saram-pianarana eny anivon’ny anjerimanontolo izay tsy miankina amin’ny fanjakana izay sakana tsy hatafitanay hoy hatrany izy ireo. Ny oniversitem-panjakana izay tokony hanampy betsaka tsy afaka mandray intsony nohon’ny hamaroan’ny mpianatra ary misy aza no tsy voaray intsony. Naneho ny heviny koa ireo mpianatra mikasika ny tsy fampian’ny fialam-boly izy ireo toy ny toerana fanaovana fanatanjahatena izay natao manarapenitra nefa handoavam-bola lafo izay sakana hatrany hoan’ny tanona. Vitsy ireo tanora no manana diplaoma nefa nahazo asa . Tsy ny fananganana orinasa anefa no ataon’ny filoha hoy ireo mpianatra izay sendranay fa ny fananganana tetikasa hafa. Ekena hoy izy ireo ny fisian’ny tetikasa fanampiana ny tanora toy ny fizarana tany sy ny omby vavy be ronono ary ny tetikasa fampidramam-bola ataon’ny fanjakana saingy tsy ampy ho anay izany hoy hatrany izy ireo. Fehiny diso fanantenana ny tanora Malagasy tamin’ity fitondrana ity . Sarotra ho azy ireo ny handray anjara amin’ny fifidianana sy hifidy ny mpitondra amin’izao satria fampanantenana pokaty avokoa no azon’izy ireo.
Tolin
 

Tia Tanindrazana

Samia mijoro ho an'i Gasikara.