Politique

Filohan’ny Za’gasy Nisy nanafika tao Toliara

Politique
Sabotsy 28 Martsa 2020

Nanao antsoavo amin’ireo tompon’andraikim-panjakana ao Toliara ny filohan’ny fikambanana Za’gasy sahy mandroso, Jean Navandahy Ratiharison,

manoloana ny voina nahazo azy sy ny fianakaviany tao an-toerana. Tonga teto Toliara ny tenako sy ny ankohonako, hoy izy, ny Alarobia maraina tamin’ny 1ora ary nivantana teny Mahavatsy II izahay. Tsy afaka niditra tao an-tokontany ny fiara ka najanona teo amoron-dalana ambadiky ny tranonay. Tokony tamin’ny 4 ora dia nisy 5 lahy tonga teo amin’ny fiara. Ny roa nitam-basy ary nanambana sy nanery hanokafana ny fiara. Lasan’izy ireo tamin’izany finday, hoy hatrany ny fitantarany. Misy manararaotra izao vanim-potoana tsy ahafahana mivezivezy amin’ny alina izao ny mpanao ratsy, hoy izy, ka angatahana ny hanaovana fidinanana ifotony na “patrouille” amin’ny alina, indrindra, eny Mahavatsy II, izay misy azy ireo.

J. Mirija