Politique

Filohan`ny Antenimieram-pirenena vaovao Hitarika ireo depiote tsy hanao fomba maloto

Politique
Alatsinainy 08 Jolay 2019

Araka ny voafaritry ny lalàna, hivory voalohany ireo solombavambahoaka vao voafidy ny talata faharoa manaraka ny famoahana ny voka-pifidianana ofisialy,

izany hoe ny 16 jolay ho avy izao ka ao anatin`ny lahadinika ny fananganana ny birao sy ny vaomiera. Ny tena andrasan`ny besinimaro dia izay ho filohan`ny Antenimieram-pirenena. Efa misy moa ny anarana miparitaka saingy tsy olona loatra no jerena, hoy ny filoha nasionalin`ny antoko AKFM, Eric Rakotomanga fa ny toetran`izay ho filoha. Ny fitarihana solombavambahoaka tsy hanao ny fomba maloto teo aloha no takiana. Andrasana ihany koa ny fandaminana ankapobeny fa tsy hirona amin`ny fitadiavana tombontsoa manokana toy ny fitakiana 4x4 na “assistant parlementaire” mampiasa fitaovam-panjakana... Mazava raha ny fironana amin`ny ankapobeny fa ny IRD no manolotra izay anaran`ny filoha eo amin`ny Antenimieram-pirenena, hoy hatrany ny fanazavana.

Marigny A.