Politique

Fihaonana tany Mahazoarivo Torana ka naiditra hopitaly i Jao Jean

Politique
Alakamisy 26 Novambra 2020

Tsy nisy nipika ny dinika teo amin` ny praiminisitra sy ny minisitry ny vola ary

ireo depiote maherin` ny 60 avy amin`ny vondrona IRD ny talata lasa teo. Raha tsiahivina dia nampanantsoina teny amin`ny lapan` i Mahazoarivo ireo solombavambahoaka ny talata lasa teo. Raha ny fantatra dia momba ny volavolan-dalàna mifehy ny tetibolam-panjakana eny Tsimbazaza no novoriana maika teny Mahazoarivo nandritra io andro io. Marihana fa naharitra ora efatra izany dinika izany satria efa tamin`ny 6 ora hariva vao nifarana ny fivoriana. Mety mafy tokoa ny dinika tao ambadika satria nisy mihitsy solombavambahoaka iray voatery naiditra hopitaly. Araka ny loharanom-baovao dia torana ny depiote Jao Jean izay voafidy tany Antsohihy, nandritra ny fivoriana. Izy dia anisan`ireo depiote niady mafy amin`ireo karazana tombontsoa ho an`ireo depiote toy ny fitakiana fisotroan-dronono ho an` ny solombavambahoaka. Hatreto dia tsy fantatra mazava no antony nahatonga izany tsy fahasalamana tampokafa dia samy miandry izay vaovao ofisialy mivoaka; maro ny olona tojo tsy fahahasalamana amin’ny hafana be iainana isan’andro izao indrindra moa far aha olona efa taizan’aretina na sokajiana ho marefo. Tsy vitsy ihany koa ireo manana olana amin’ny fo rehefa misendoatra loatra any anaty adhevitra.

Marigny A.