Politique

Fifidianana loholona Raharahan-tokantranon’ny samy mpitondra

Politique
Talata 13 Oktobra 2020

Nifarana omaly 12 oktobra ny fandrotsahana ny dosie ho an’ireo kandida ho loholona.

Raharahan-tokantranon’ny samy mpitondra amin’ny ankampobeny. Misy ny faritra tsy misy mpilatsaka afatsy lisitra tokana dia ny vovonana TGV-MAPAR na IRMAR tsy hay intsony izay anarana iantsoana azy, raha ny tatitra vonjimaika. Isan’izany ny any Mahajanga, Fianarantsoa, Toliara, Antsiranana, raha tsy hoe nisy lisitra mpifaninana tonga tamin’ny ora farany, ka iandrasana ny tatitra ofisialy. Ny eto Antananarivo sy Toamasina kosa dia samy manana ny kandidany ny TGV-MAPAR na IRMAR ary manana ny azy ny Malagasy Miara-Miainga na ny MMM. Mitarika ny vovonana IRMAR eto Antananarivo ny Sekretera Jeneralin’ny Minisiteran’ny fanabeazana Herimanana Razafimahefa sy Sylvain Rabetsaroana, ampian-dry Pierre Houlder. Ho an’ny MMM kosa dia Mitarika ny lisitra i Andrianantenaina Michel Rakotondrainibe, Bernard Anselme Ravelonjato. Na endrika hanehoana fa misokatra sy tsy mandeha ila ny fifidianana, ka tsy maintsy manao sinema politika, na koa efa tandindon’ny fisaraham-bazana sy fisarahan-dia amin’ny 2023.

Toky R