Politique

Fiatrehana fifidianana loholona Mampitandrina ireo minia mamboly korontana ny zandary

Politique
Alakamisy 19 Novambra 2020

Hanatanteraka hetsika izay handaminana ny fifidianana loholona ny mpitandro

filaminana izay ahitana ny Tafika Malagasy, ny Polisim-pirenena ary ny Zandarimariam-pirenena. Efa misy ny fepetra raisina amin` izany fiatrehana izany fifidianana izany. “Efa nisy ny hetsika natao mialohan` ny fifidianana, mandritra ny fifidianana ary aorian` ny fifidianana izay efa samy voafaritra avokoa. Any anivon` ireo faritra sy distrika ihany koa dia efa samy nahazo izay baiko mitandrify azy mandritra ireo fotoana telo voalaza ireo” hoy ny kaomandin'ny zandarimariam-pirenena, ny jeneraly Njato Andrianjanaka. Miantso ireo mpifidy vaventy mba ho tony, hatrany izy. “Raha misy zavatra mampiahiahy na ihany koa fampitahorana voarain`ny mpifidy dia mba hanatona haingana mpitandro filaminana hahafahana mandray ireo fepetra ho raisina mahakasika izany. Zava-dehibe mba hahafahan` ireo mpifidy vaventy hanatontosa ny adidy araka ny tokony ho izy ary tsy anatin` ny teritery. Notsipihany ny jeneraly Njato Andrianjanaka hatrany fa misy ihany ireo te hanao ireo hevitra rehetra tsy hanatanterahina izany fifidianana izany saingy tsy ho ekena velively izany. “Ny fanehoan-kevitra dia malalaka satria tany demokratika. Hisarika ny sain` ireo izay manana eritreritra mba hambolena korontana eto amin`ny tany sy ny firenena fa dia tsy handefitra izahay ary handray fepetra”.

Marigny A.