Politique

Fiarahamonim-pirenena Miantso ny loholona hijery lalina ny tetibola 2021

Politique
Alarobia 02 Desambra 2020

Tonga teny amin’ny antenimierandoholona naneho ny fomba fahitany ny

volavolan-dalàna mifehy ny tetibolam-panjakana ho an'ny taona 2021 na ny LFI 2021 teo ny fiarahamonim-pirenena ny 01 desambra 2020. Ankoatra ireo soso-kevitra izay narosony, dia fangataka ny fiaraha-monim-pirenena ny mba handinihan'ny Antenimierandoholona amin'ny antsipiriany io teti-bolam-panjakana io mba ho an'ny tombotsoan'ny daholobe sy mba ho sahaza ny ministera sy andrim-panjakana isanisany. Nangataka fiaraha-miasa amin'ny fanjakàna kosa ireo orinasa lehibe mpamokatra amin'ny fametrahana politika nasionaly momba ny famokarana akora fototra satria vitsy dia vitsy ny tolotra indrindra eo anivon'ny sehatra iraisam-pirenena ankehitriny, hoy ny fampitam-baovao. Nitarika ny fivoriana tamin’io fotoana io moa ny loholona Kolo Roger Filoha lefitry ny Antenimierandoholona misahana ny Faritanin'ny Toliara.

Toky R