Politique

Fanonganana ny mpikambana ao amin'ny birao maharitra Fanakorontanana fotsiny hoy ireo depiote

Politique
Alakamisy 11 Jona 2020

Naneho ny heviny ny solombavambahoakan'i Sambava mivondrona ao amin'ny GPR fa mbola mahavita ny asany ny Birao maharitra.

Ny solombavambahoaka rehetra no nifidy azy ireo, hoy izy. Notsiahiviny fa Christine Razanamahasoa no vehivavy voalohany nitantana andrimpanjakana raha teto madagasikara. Ny fifidianana ny filohan'ny Antenimieram-pirenena no fifidianana filohan'ny andrimpanjakana voalohany nahazo vato 100%. Resaka anjorombala izany fikasana hanongana izany. Fa naneho ny heviny ihany koa ny solombavambahoakan’Ambatondrazaka Fidèle Razara Pierre. Nambarany fa fanakorontanana no tanjona raha misy mikasa hanao izany. Ny filoha Christine Razanamahasoa no efa nifanarahan'ny depiote rehetra, hoy izy, ary lany tamin'ny fomba nilamina.

Marigny A.