Politique

Faniry Razafimanantany Miantso ny vahoaka ho tonga saina

Politique
Alatsinainy 24 Aogositra 2020

Matoa izahay mijoro dia manohitra ny zavatra tsy mety ataon’ny fanjakana, hoy ny sekretera jeneralin’ny Vovonana Malagasy manarina firenena na VMMF, Faniry Razafimanantany.

Raha misy ny mety dia anjarany sy adidiny izay fa raha ny zava-misy hita hatreto aloha dia betsaka noho ny mety ny tsy mety ataon’ny fitondrana. Ny tsy mety no marobe nataon’io fanjakana io nandritr’izay herintaona sy tapany izay. Izany rehetra izany no hiantsoanay ny vahoaka ho tonga saina sy hieritreritra lalina. Hiantsoanay ihany koa ireo rehetra mahatsapa fa tsy mety izao zava-misy izao ho ao anatin’ny tontolon’ny fanoherana mba hanana fomba fijery sy andraikitra hitoviana. Tsy azo avela amin’izao fotsiny ny firenena satria raha efa toy izao ny fahapotehany dia inona no mbola ho lovain’ny taranaka, hoy hatrany izy ?

J. Mirija