Politique

Fanararaotam-pahefana Polisy 3 naato tamin’ny asany

Politique
Talata 05 Mey 2020

Polisy 3 no naato tamin'ny asany ny faran’ny herinandro noho ny fanararaotam-pahefana nataon’izy ireo.

Tany Mahajanga ny 2 rehefa nanao fihetsika tsy voahevitra tamina olona namonjy tora-pasika ka tsy maintsy nandraisana fepetra. Tany Fianarantsoa kosa iray izay nosamborin'ny fokonolona mihitsy rehetra tratra naka vola tamin’olona ary naterin'izy ireo teny amin'ny paositry ny polisy. Manamafy hatrany moa ny tompon'andraikitra avy eo anivon'ny Minisiteran'ny filaminam-bahoaka fa tsy handefitra manoloana ireo polisy manararao-pahefana ka tsy manaja ny etika sy deontolojia mifehy azy ary manimba endrika ny polisim-pirenena. Mankasitraka ny vahoaka malagasy ihany koa izy ireo amin’ny fanomezam-baovao hataon’ny fiaraha-monina, indrindra rehefa mahita tranga hafahafa tahaka izao. Ny laharam-pinday 034 15 367 20 moa no hahafahana mifandray mivantana amin’ireo tompon’andraikitra eo anivon’ny polisim-pirenena. Pati