Politique

Fampidinana vidin-tsolika Esoin’ireo mpanao politika

Politique
Zoma 21 Jona 2019

Misaotra ny filoham-pirenena, hoy ny filohan’ny antoko politika Kintana, Tabera Randriamanantsoa, nandany 3 andro niady hevitra hampidina ny solika.

Hery Rajaonarimampianina tsy nisy 3 andro nampidina ny solika. Ny fiakarana sy fidinan’ny solika dia miankina amin’ny sandam-bolanao sy ny barila eo amin’ny sehatra iraisam-pirenena. Ny nahagaga dia nilaza ny filoham-pirenena fa handray an-tanana an’io resaka solika io ny fanjakana. Hampidinina 600 sy 700 ariary ny solika no nambara kanefa 3 andro niady hevitra tsy hay hoe inona daholo fa fampidinana azy 50 sy 100 ariary efa fanao ihany no nitranga. “Ilana filoham-pirenena ve izany sa vitana minisitra fotsiny”, hoy ny fanontaniany. Misaotra betsaka ny filoham-pirenena nandray andraikitra, hoy ny sekretera jeneralin’ny antoko VAMI, Gaby Vakiniadiana na dia efa hain’ny rehetra tsianjery aza fa vita kajy ny fanapahan-kevitr’ireo mpaninjara solika ireo dia ny hoe mampidina 150 ariary fa avy eo mampisondrotra 50 ariary isam-bolana ary dia hisy fiakarany 200 ariary ihany avy eo afaka 2 volana. Izany, hoy izy, no antony tsy nampidina ny saran-dalana satria mampanahy ilay tsy fantatra hatreto izay tena nifanarahana tao. Hita ho saika naneso ity fanapahan-kevitra ity ireo mpanao politika.

J. Mirija