Politique

Dr Rakotomanana Gervais Nisintaka any Vavatenina mihitsy aloha

Politique
Talata 30 Novambra 2010

Nankaiza ny Ben’ny tanànan’i Toamasina I teo aloha, Dr Rakotomanana Gervais taorian’ny nanilihan’ny FAT azy teo amin’ny fitantanana ny tanàna ka nanoloana azy delegasiona manokana na PDS ? Inona no ataony ankehitriny ? Fanontaniana miverimberina io amin’izao fotoana, indrindra taoarian’ireny raharaha nanenjehana ny fikambanan’ny Ben’ny tanàna manerana ny nosy ka nisamborana ary nampidirana am-ponja ny filohany sady Ben’ny tanànan’Ankaraobato, Ralaiseheno Guy Maxime, ireny. Araka ny fantatra dia nisintaka kely ny sehatra politika ny tenany ankehitriny. Any Vavatenina, faritra Analanjirofo any izay ankehitriny. “Mamboly”, araka ny filazany. Na izany aza dia manaraka akaiky ny fivoaran’ny raharaham-pirenena ny tenany. Izy rahateo mpanao politika, ary tanora, sarotra ho azy ny hijanona tsy hanao politika intsony, efa tratr’io viriosy io, saingy misy handinihana sy hisaintsainana ny zava-nitranga miendrika barofo politika nahazo azy, izay olom-boafidim-bahoaka, tao amin’ny Kaominina Toamasina ambonivohitra ny volana jona 2010 iny.

Jean D.

Sary : Dr Rakotomanana Gervais, Ben’ny tanànan’i Toamasina teo aloha