Politique

Distrikan'i Fandriana Asa maro no mbola handrasana amin'ny governemanta

Politique
Alakamisy 28 Mey 2020

Maromaro ihany ny lisitr'ireo zavatra mbola handrasana amin'ny asa tokony ho tanterahan'ny governamanta fahefana mpanatanteraka tarihan'ny Praiministra

Ntsay Christian any amin'i distrikan'i Fandriana Faritra Amoron'Imania, hoy ny depiote Ny Aina Dina Rakotomalala voafidy tany an-toerana tamin'ny fametraham-panontaniana nentiny ho an'ny governemanta teny amin'ny CCI Ivato tamin'ny talata 26 mey 2020 lasa teo. Ao voalohany ny tsy fahampian'ny fitaovana "compacteur" hanamboarana ny RN 41 ankehitriny, ao faharoa ny tsy mbola fahatongavan'ny "subvention" tokony homena an'ireo mpampianatra Fram any an-toerana sy ny mbola tsy fahampian'ny fampidirana azy ireo ho mpiasam-panjakana, ao fahatelo ny tsy mbola fahatongavan'ny "subvention" hoan'ireo kaominina 5 any amin'ity distrika ity, ao fahaefatra ny mbola tsy nahatafiditra ny jirao nampanantenaina ao an-tanànan'i Fandriana, ao fahadimy ny tsy mbola fandraisana fepetra amin'ny tsy fandriampahalemana any amin'ity distrika ity ka mbola mampirongatra ny asan-dahalo izay tsy izy any an-toerana. Etsy an-kilany kosa, hoy ity solombavambahoaka ity, dia efa tonga any an-toerana fitaovana sy fanafody hoenti-miatrika ny tazomoka ary miroso tsara ihany koa ny ady atao amin'ny tsimokaretina any an-toerana ankehitriny.

Ntsoavina Evariste