Politique

Depiote Alain Ratsimbazafy “Tsy haka toeran’ny filoha lefitra faha-7 izany ny TIM”

Politique
Alakamisy 09 Septambra 2021

“Tsy mivaky ny antoko tiako i Madagasikara ary iray. Iombonana ny fanapahan-kevitra aisina ao; ny lehiben’ny antoko Atoa Marc Ravalomanana no efa niteny fa tsy handray ny toeran’ny filohan’ny mpanohitra

izay filoha lefitra faha-7 eny Tsimbazaza ny TIM dia izay no izy ary hajaina ny fistipiky ny antoko”, hoy ny Depiote Alain Ratsimbazafy omaly tamin’ny fampahalalam-baovao. Tsy misy depiote TIM handray ny toeran’ny filoha lefitra faha-7 eny amin’ny antenimieram-pirenena izany na misy aza ireo depiote namorona ny Miara-manonja faharoa, raha halalinina io satria voafehin’ny fitsipiky ny antoko. Ny TIM no antoko mpanohitra eny amin’ny antenimieram-pirenena ka fisandohana sy fandikana lalampanorenana no ataon’izay vondrona parlemantera hafa mieritreritra haka io toeran’ny filohan’ny mpanohitra io, ry zareo aza mpanohana fitondrana, raha ny voalazan’io depiote io. Takian’ny TIM kosa mikasika ity fanoherana dia ny fampiharana ny lalàna 2011-013, izay mamaritra mazava ny fanoherana eto Madagasikara.
Toky R