Politique

Dany Rakotoson “Tsy lasa lavitra izay mandeha haingana”

Politique
Talata 02 Febroary 2021

Ny tsy fihetezan-javatra rehetra misy eto amin’izao fotoana izao dia miainga avy

amin’ny tsy fananantsika politika matotra ahafahana mampandroso ilay firenena, hoy ny mpamakafaka raharaham-pirenena, Dany Rakotoson. Jereo fa mipetraka izao ny an’ny Amerikana ny planina rehetra vao tonga ny filoham-pirenena vaovao hoe 1.900 miliara dolara ny tetibola. Ny an’ny teo aloha moa 900 miliara no nataony. Aiza ho aiza amin’izany ny praogramantsika Malagasy ao anatin’ny 5 taona? Raha resaka vary fotsiny no ifampiresahana dia efa tamin’ny repoblika faharoa isika no nihinana “stock tompon”. Efa 2021 isika izao mbola izay ihany fa novena hoe “Vary tsinjo” fotsiny ny anarany. Mampalahelo izany. Sisam-barin’ny any ivelany foana ve izany no arosonao ny vahoakanao? Inona no politikan’ny rano sy ny fambolem-bary? Politika faran’ny tsara ve ireny fanafarana “tracks” ireny? Nanangana FER isika fa aiza ny fahombiazany? Tsarovy fa mahatonga fahatezeram-bahoaka izany ary nahatonga fahalavon’ny fanjakana nisy teto foana. Tsy mampandroso anefa izany. Izay ilay hoe raha te andeha lavitra dia mandehana miaraka fa raha te handeha haingana dia mandehana irery. Tadidio anefa fa tsy lasa lavitra izay mandeha haingana, hoy hatrany izy.

J. Mirija