Politique

Dany Rakotoson “Nofinofy izany fifidianana milamina izany”

Politique
Alarobia 15 Jona 2022

Nofinofy ihany angamba ny hisian’izany fifidianana milamina izany, hoy ny mpandinika raharaham-pirenena, Dany Rakotoson. Ady foana io hatrany ivelany, hoy izy.

Hatrany Frantsa sy Etazonia tonga hatrany amina famonoan’olona mihitsy. Mila mianatra ny vahoaka malagasy satria amina firenena demokratika izany dia olona mianatra no manana fandanjalanjana. Rehefa tonga ny fifidianana dia ireny hitantsika ireny fa hatramin’ny fifandrovitana afisy aza misy. Maika ny fanabeazana maha olom-pirenena mihitsy mba hahazaka izany atao hoe fifanakalozan-kevitra sy hevitry ny hafa izany. Manao izay fanabeazana izay matetika ny fiarahamonim-pirenena saingy ny ankabeazany dia fanabeazana hahazoana mpamatsy vola. Tokony mba hisy fanaraha-mason’ny fanjakana ihany ny tanjona sy fampiasan’izy ireny vola. Isika efa hiaina demokrasia isika dia mba tokony imasoana izay tena fanabeazana maha olompirenena izay ialana, indrindra, amin’ny ady an-trano, hoy hatrany izy.

J. Mirija