Politique

�CST mamba noana� Nisafoaka ny tao Anosikely

Politique
Alarobia 31 Oktobra 2012

Namantsipantsika sy nihogahoga mpanao gazety omaly ny mpikambana maro ao amin�ny Filankevitra Ambonin�ny tetezamita tetsy amin�ny Lapa maitson�Anosikely nandritra ny fivoriana azon�ny daholobe natrehana nitateran�ny filohan�ny vaomieran�ny fandriampahalemana ny resaka SOS SUD.

Tena tsy lanin’ny vavonin’ireto CST ireto mihitsy ny lohateny nivandravandra tao amin’ny gazety mpiseho isan’andro iray eto an-drenivohitra nivoaka tamin’iny herinandro lasa teo hoe “CST affamés” na raha adika ara-bakiteny dia hoe “CST mamba noana”. Nasaina nivoaka ny trano fivoriana ny mpanao gazety omaly ary dia mbola narahin’ny CST avo vava tamin’ny hoe : mijanona ny “CST affamés” fa lasa ny “mpanao gazety rassasiés (voky)”.

Ao anaty lapany moa ireto olom-boatendry ireto ka zony ny miteny izay tiany holazaina ao ary tsy azo valiana ao ihany koa ka dia nitsaitsaika ny mpanao gazety fa dia ety amin’ny soratra mifankahita ê ! Fa tao anatin’ity fivoriana omaly ity ihany koa anefa no nandrenesana CST nitsikera ny tsy fisian’ny fahalalahana eo amin’ny asa fanaovan-gazety fa na ry zareo mpitondra fanjakana filohana vaomiera aza dia tsy mahazo miteny ao amin’ny haino aman-jerim-panjakana fa “lasa fahavalom-panjakana ny milaza ny marina izao”. Tsy misy vaovao azo afa-tsy ny avy amin’ny mpitandro ny filaminana milaza fa milamina sy mandroso ny fampandrian-tany any Betroka eto.

Manohy