Politique

Partagé sur :
• facebook

Adihevitra amin’izao fotoana izao ny momba ny firafitry ny vaomieram-pirenena misahana ny fifidianana na ny CENI izay ambaran’ireo ankolafy samihafa avy amin’ny mpanohitra,

fa tsy azo antoka ary hanao tamberiny amin’ny mpanendry azy. Misy ny milaza fa anjakan’ny loko volomboasary ny CENI. Mandeha ny tsindry sy ny fitakiana fa tokony horavana ny CENI sy ny Fitsarana avo momba ny lalàmpanorenana na ny HCC, ary halamina sy harindra tanteraka aloha ny lalàm-pifidianana sy ny fitsipi-dalao. Sesilany ny fanambarana sy fitakiana mitovitovy amin’izany tato ho ato, ary ahiana hiverina ny sarisary politika toy ny tamin’ny 2018 nialohan’ny fifidianana Filoha. Hatreto, solontena iray amin’ny 8 sisa no tsy fantatra dia ny avy amin’ny Filoham-pirenena. Izay olona tendreny eo no heverina ho tsara toerana ho lasa Filohan’ny CENI. Fa inona tokoa moa izany no mampilona io fanendrena ny olona avy amin’ny Filoham-pirenena io? Misy kajikajy politika mbola tsy milamina sa mbola hanaovana antso fanaterana antontan-taratasy toy ny fanendrena ambasadaoro? Ny azy sisa andrasana kanefa mbola hisy didim-panjakana sy fihanianana vao hiasa, mbola hifidy birao. Ny RALE (Révision Anuuelle de la Liste Electorale) na fanavaozana isan-taona ny lisi-pifidianana anefa efa hanomboka amin’ny 01 desambra ho avy izao. Asa inona loatra no mampilona sy mampihisatra azy? Tena ho tafapetraka araka ny hiheveran’ny Mpitondra azy ve anefa io CENI io raha tarafina amin’ny maripana politika ankehitriny ?
Toky R
 

Tia Tanindrazana

Samia mijoro ho an'i Gasikara.