Politique

Berija Ravelomanantsoa Andrasana anio ny didim-pitsarana

Politique
Zoma 11 Jona 2021

Taorian’ny fiemorana farany teo dia andrasana amin’ity anio 11 jona 2021 ity indray etsy amin’ny lapan’ny fitsarana etsy Anosy

ny didim-pitsarana mikasika ny raharaha Berija Ravelomanantsoa. Tsiahivina fa ny 30 septambra 2020 teo no nivoahan’ny didim-pitsarana mampiditra am-ponja azy, sazy mihatra, mandritry ny 44 volana na 4 taona latsaka 4 volana ary isan’ny antony ny resaka fanohitohinana fiandrianam-pirenena na “atteinte a la sureté de l’Etat”. Tsy nipetra-potsiny nanoloana izany ny fianakaviany sy ny mpisolovava azy ary ireo fikambanana tarihiny dia ny Tafaray sy Soluma fa niezaka nampiakatra hatrany ny raharaha. Ny alarobia teo moa no nankalaza ny tsingerin-taona nahaterahany tany am-ponja ity dokotera mpitsabo mpikambana eo anivon’ny tanoran’ny Rodoben’ny mpanohitra ho an’ny demokrasia eto Madagasikara ity.

J. Mirija