Politique

AZA MIREDIREDY NAMA A !

Politique
Alatsinainy 21 Martsa 2022

Ny tànana efa zatra mitsotra tokoa angamba tsy afaka ny hivokona intsony ka dia mitohy ny politika toa revin-gadra mandavan-taona.

Mitety faritra mamory vahoaka, mitokatokan-javatra ka taloha raha làlana an-jatony na am-polony kilaometatra maro no tokanana, dia izao làlana tsy ampy 1km aza toa ilàna filoha. Mitondra artista maro miampy fampandihizana fitombenana, dia faly tokoa ny vahoaka satria fampisehoana maimaimpoana tokoa io. Fa ny tena loza dia nampanantena kianja mitafo na « gymnase » indray tany Fenoarivo Atsinanana satria hetahetam-bahoaka, hono! Tena izany ve no maika sy laharam-pahamehana sy handaniana volam-panjakana amin’izao efa fahasahiranana izao? Mbola sahy milaza fa miasa sy mampandroso an’i Gasikara! Aza mirediredy nama a!