Politique

�Avelao hilatsaka Rajoelina raha sahy, ary aza sakanana kosa i Dada sy izay vonona�, hoy ny TIM Tolagnaro

Politique
Zoma 12 Aogositra 2011

Naneho ny heviny manodidina ny toedraharaham-pirenena ankapobeny ny Tiako I Madagasikara Tolagnaro nandritra ny valandresaka ho an�ny mpanao gazety natao ny fiandohan�ny herinandro ity.

Nandritra izany no nilazan’izy ireo fa tsy ny Ankolafy telo velively na ny Tiako I Madagasikara miaraka amin’i Dada no sakana tsy mampivaha izao krizy izao fa ny FAT sy ireo mpiaradia aminy, indrindra amin’ity mivadibadi-dela ity. Tsotra ny fahitan’ny Tiako I Madagasikara Tolagnaro ny raharaha : “avelao hilatsaka i Andry Rajoelina raha sahy amin’ny fifidianana filoham-pirenena, ary aza sakanana kosa i Dada sy ireo izay vonona hanompo ny tanindrazany. Raha demokraty marina ity fitondrana FAT ity, tsy tokony hanisy olana amin’izany”, hoy izy ireo. Mikasika ny raharaha 7 Febroary dia ambaran’izy ireo fa tsy meloka ny filoha Marc Ravalomanana, ireo nitarika olona hovonoina teny no tokony hampiharana ara-bakiteny ny lalàna iraisam-pirenena. Momba ny raharaha andramena indray dia nanamarika ny Tiako I Madagasikara Tolagnaro fa raha nisy fandraisana andraikitra marina dia efa tamin’ny andron’ny praiminisitra Monja Roindefo no efa foana io.

Natiora OTH