Politique

Auguste Paraina “Aoka hitandrina amin’ny vava avoaka!”

Politique
Zoma 26 Novambra 2021

Nangataka fanampiana tamin'ny firenena egyptianina i prezida Andry Rajoelina mba hanamboarana ny lalana mikodana,

Antananarivo-Toamasina, izay efa nolazaina anefa tany aloha fa efa hanomboka alohan'ny faran'ity taona 2021 ity ka ho vita alohan'ny faran'ny taona 2023, hoy ny minisitra teo aloha, Auguste Paraina. Faly sady nitehaka daholo ny rehetra, fa indrindra, ny mpisolelaka, nefa indrisy, izao vao fantatra fa mbola tsy vonona akory ny vola sady 250 km tsy vita anatin'ny roa taona rahateo, hoy izy. Mazava ho azy fa tsy afaka hanampy antsika i Egypta izay mba mitady vola etsy sy eroa ihany koa fa indrindra amin'ny firenena arabo mpamokatra solitany hanaovany fotodrafitra . Ankoatran'izany dia misedra olana io firenena io noho ny disadisa misy eo aminy sy ny firenena etiopianina taorian'ny fahavitan'ny tohadrano lehibe “La Renaissance”. Etiopia indray izao no lasa mifehy tanteraka ny renirano lehiben’I Neily ka misedra fahasahiranana i Egypta. Aoka isika tsy hangataka lava amin'izao firenena rehetra izao ary mba hitandrina amin'ny vava avoaka toy ny hoe “isika tsy hitrosa intsony fa mety hampidrana an'i kaomoro”, hoy hatrany ny tenany.
J. Mirija