Politique

Antoko PSD Nanolotra fanampiana ho an` ireo mpiasan` ny fahasalamana

Politique
Alatsinainy 14 Septambra 2020

Ny faran` ny herinandro lasa teo dia tonga nanolotra aro-vava miisa 300 ary "Gel désinfectant" 10 tavoahangy ho an'ny Hopitaly Vaovao Mahafaly any Mandritsara ny antoko PSD.

"Ny antony nanosika ny tenako tamin'ny fanampiana izao dia noho ireo mpiasan'ny fahasalamana izay miantsehatra tanteraka amin'ireo marary, ka raha sanatria izy ireo indray no marary dia ho sahirana ny handraisana ny olona marary. Teo ihany koa ny fahatsapana ny maha-zavadehibe ny fiarovana ny mpiasan'ny fahasalamana", hoy Eleana Bezaza, filoha nasionalin` ny antoko. Nandray ireo fanampiana ireo moa ny Tale Jeneralin'ny Hopitaly Vaovao Mahafaly ao Mandritsara, Dr Tombomora Euryaldys, sy ireo mpiasan'ny fahasalamana tao amin'ity toeram-pitsaboana ity.

Marigny A.