Politique

Antoko Otrikafo Nahoana no mangina ny governemanta ?

Politique
Alakamisy 18 Jona 2020

Hiverina hanao fihetsiketsehana manoloana ny masoivohon’i Frantsa rahampitso zoma ny avy eo anivon’ny antoko politika Otrikafo sy ireo mpiara-dia aminy noho ny tsy fahazavan’ny resaka Nosy manodidina.

Araka ny fanambaran’izy ireo tetsy amin’ny foibeny etsy Andravoahangy omaly dia mampametra-panontaniana azy ireo ny fahanginan’ny governemanta ankehitriny manoloana ny toe-draharaha. Fa naninona hoy ny Otrikafo no nangina ny governemanta Malagasy kanefa ny frantsay namoaka didim-pitondrana sy manohy ny fankan-kevitra amin’ny vahoakany ary tsy mihemotra amin’ilay fikasana ny hamadihana ho valan-javaboahary arovana ny Nosy Sambatra na Iles Glorieuse? Manaitra hatrany ny mpitondra Malagasy noho izany izy ireo mba handray ny andraikiny.

J. Mirija