Politique

Antoko Natiora “Ny isan’ny depiote ahena”

Politique
Talata 22 Septambra 2020

Tsy tan-dalàna isika eto Madagasikara, hoy ry zareo avy eo anivon’ny antoko politika Natiora, naneho ny heviny mikasika ny fifidianana loholona kasaina atao ny 11 desambra izao.

Ny lalam-pifidianana eto amintsika dia hoe tsy azo atao anaty fahavaratra ny fifidianana. Lalaovina foana ny andrim-panjakana ary io no tsy mampandroso antsika, hoy ny filohan’ity antoko ity, Mihari-Ni-Rencho. Efa hita fa tsy mety ilay fotoam-pahavaratra dia raisina amin’ilay hoe satria volana desambra no nanombohan’ilay fotoam-piasana. Tsy azo atao mihitsy ve no manembotra hoe volana martsa mba ho tsara omana kokoa satria main-tany dia tazomina amin’izay amin’izay manomboka eo, hoy izy? Tsy manana fahavononana hanova mihitsy ny mpitondra eto ka aza gaga raha miverimberina ny zava-miseho tahaka ny hoe afaka 3 taona na 5 taona sy toy izany dia misy korontana foana. Lalaovina ny lalana fa tsy mbola nisy ny fanjakana tan-dalana teto, hoy izy. Misy kajikajy tsy mazava ao satria ny filoham-pirenena dia efa niteny fa handrava ny antenimieran-doholona rehefa mahazo fitondrana. Mazava ny antony satria olon’ny fitondrana teo aloha no nameno tao. Raha hanena, hoy hatrany, ny Natiora dia ny isan’ny depiote ahena raha tena resaka fitsitsiam-bola tokoa no atao.

J. Mirija