Politique

Antoko HVM “ Tsy didy jadona ny hahamehana ara-pahasalamana.”

Politique
Alarobia 15 Aprily 2020

Ny hahamehana ara-pahasalamana dia tsy midika didy jadona, tsy fisian’ny mangarahara, fifanenjehana na fampihelezan-kevitra ara-politika, hoy ny avy eo anivon’ny antoko politika Hery vaovao ho an’I Madagasikara.

Aiza ny mangarahara amin’ny fampiasana ireo vola nindramina sy ny fanampiana ara-bola tsy averina ary ireo fanomezana hafa? Misy fitanilana tokoa ve ataon’ny fitondram-panjakana foibe amin’ny fampiharana ireo paikady hitsinjovana ny marefo, hoy hatrany ny HVM? Lasa fisehosehoana politika sy fanenjehana ireo tsy mitovy hevitra amin’ny mpitondra ary fanilihana ny herivelona hafa eto amin’ny firenena no mibahan-toerana amin’ny seraseran’ny fitondrana. Voatohintohina ny fahalalahan’ny asa fanaovan-gazety sy maneho hevitra, hoy hatrany ny HVM, izay nanamafy fa fiaraha-mientana no ilaina ao anatin’izao ady izao.

J. Mirija