Politique

Andry Rajoelina Manamafy ny fanohanany ny foloalindahy

Politique
Alarobia 13 Janoary 2021

Nandray anjara tamin'ny fankalazana niaraka tamin'ny Vondrona Mpiaro ny Filoha

eo anivon'ny Fiadidiana ny Repoblika ny Andron’ny manamboninahitra isaky ny 12 janoary ihany koa ny Filoham-pirenena Andry Rajoelina omaly. Semban-drahona anefa ny fankalazana ny andron'ny Manamboninahitra tamin'ity taona ity noho ny fahalasanan'ny lehiben'ny Etamazaorin'ny Tafika anabakabaka, ny Général de Brigade Aérienne Radona Ellis Ratiarivelo, izay nodimandry ny 11 janoary 2021. Toy ny isan-taona dia ny manamboninahitra zandriny indrindra no nitondra ny fibaikona nandritra ny lanonana fananganan-tsaina, narahin'ny fanolorana ny gisa ho an'ny Filoham-pirenena ary ny fanatanterahana ny hazakazaka ara-piralahiana teto amin'ny lapam-panjakana Iavoloha. Nanantitra ny fiarahabana ireo manamboninahitra manerana ny Nosy ny Filoha Andry Rajoelina ary nohamafisiny hatrany ny fanohanany foloalindahy sy ny famerenana indray ny hasin'ny tafika Malagasy izay tandroka aron'ny vozona miaro ny vahoaka malagasy, hoy i Andry Rajoelina.

Toky R