Politique

Andry Rajoelina Efa lasa mpaminany koa ve ?

Politique
Zoma 31 Mey 2019

Tsy fahamatorana sa efa diso mahatoky tena sahady ny filoha Rajoelina sy ny mpiara-dia aminy ? Fantatry ny mpikambana IRD sahady ny voka-pifidianana.

Nambarany nandritra ny diany tany Parisy ny 28 mey lasa teo fa nibata fandresena ireo mpiara-dia aminy ary nandrombaka seza maro raha ampitahaina amin`ny TIM. Nivoaka sahady ny valim-pifidianana ho an`ny IRD izay nibata seza maherin`ny 80 raha ny nambarany. Mifanohitra amin’ny fanambaran’ny CENI kosa anefa io amin`ny tsy tokony hamoahana ny vokatra mialoha. Hentitra ny filoha lefitry ny CENI nampahatsiahy ny tokony hanajan`ny rehetra ny lalàna. Tsy misy mahazo mamoaka voka-pifidianana feno na amin`ny ampahany afa-tsy izay eny anivon`ny birao fandatsaham-bato, hoy izy. Ny vokatra havoakan`ny CENI ihany no tokony haparitaky ny kandidà sy ny haino aman-jery. Efa mandika lalàna sahady !

Marigny A.