Politique

Andraikitry ny loholona Na ireo mpifidy vaventy aza vitsy no tena mahalala

Politique
Alatsinainy 14 Desambra 2020

Vokatry ny tsy fifampitokisana misy eto amin’ny firenena sy napetraky ny

fitondrana nifandimby no mahatonga hatrany ny disadisa toy izay mbola heno nandritry ny fifidianana loholona teo, hoy ny kandida loholon’ny Independent Faly, Dany Rakotoson. Izany no anton’ny filana fanomezana hasina tsara ny lafiny fitsarana eo amin’ny resaka rafitra mba hisian’ny rafitra mahaleotena eto amin’ny firenena. Ny tena tanjona dia ny handrosoana. Ny olona apetraka eo fotsiny dia izay hitondra amin’izany. Izay ilay averiko foana hoe mba tokony olona manana fotokevitra no kandida mba hisy hiaro ny resaka mahaolona, ny fihariana, ny tontolo iainana. Matoa mahantra isika Malagasy dia satria tsy ampy ilay miahy ny tena maha Malagasy. Ny nampalahelo tamin’ity fifidianana loholona ity dia ny tsy fahampian’ny ady hevitra. Na ireo mpifidy vaventy aza vitsy no tena mahalala ny andraikitr’izany loholona izany. Maika moa fa vahoaka tsotra. Tsy nisy fanazavana loatra izany anefa fa tonga dia ny hoe fidio ny lisitra izao no tena be dia be, hoy hatrany ny tenany.

J. Mirija