Politique

Alain Andriamiseza “Tsy matoky ny rafitra misy intsony ny vahoaka”

Politique
Zoma 18 Desambra 2020

Raha natao hanaovana halako bika tsy tiako tarehy na valifaty politika fotsiny ny

rafitra misy amin’izao fotoana izao dia tsy mankasitraka izany izahay, hoy ny mpanao politika, Alain Andriamiseza. Tsy ekenay rahateo koa ny lalampanorenana. Efa hainay ny zavatra ataon’ny HCC. Sarotra ny hanome fahatokisana sy fifampitokisana ny rafitra misy eto amin’ny firenena ankehitriny. Ny vahoaka iray manontolo mihitsy fa tsy ny mpanohitra ihany no mametraka izay ahiahy izay. Efa tsy matoky ny rafitra misy intsony ny vahoaka Malagasy. Sady tsy nifanaraka ny lalampanorenana no tsy nifanaraka amin’ny soatoavina Malagasy ny fifidianana vita teo ary izany no tsy nanekenay azy. Efa mazava ny anay hoe lalampanorenana mifanahatsahana amin’ny hetahetam-bahoaka sy mitondra filaminana eto amin’ny firenena no tadiavinay.

J. Mirija