kolontsaina

Zanaka ampielezan’i Fandriana Hitahiry ny asa soratra rehetra

kolontsaina
Alatsinainy 16 Septambra 2019

Maro be ny tantara mampalaza an’i faritr’i Fandriana. Na ny anaran’ny tanàna sy ireo mpanjaka nifandimby, ohatra, dia efa betsaka no azo tantaraina, hoy ny filoha nasionalin’ny Amicales des Natifs de Fisakana (ANF).

Na io toaka gasin’Ambodivoara io aza dia efa manakoako eran-tany ny lazany ary efa misy mihitsy ny nahazo fahazoan-dalana. Nanambara ny tenany tamin’ny sabotsy lasa teo tetsy amin’ny sekoly INFP Mahamasina nandritra ny fivorian’ny zanaka ampielezana fa hisy tetikasa hitahirizana ny vakoka sy ny asa soratra mampalaza an’i Fandriana. Fivoriana fampahafantarana ny fandaharam-potoanan’i Fisakana no natao izay hampivondronana ny kaominina rehetra any Fandriana ny 10 hatramin’ny 12 oktobra ho avy izao. Tanjona ny hampihaonana sy ny hitohizan’ny fifankatiavana hatrany ary maro be ny tetikasa efa voavolavola eo amin’ny sehatra maro tahaka ny fanatanjahantena sy ny fifehezana ny teny vahiny.

Tsirinasolo