kolontsaina

Vondron’ny mpikabary ankehitriny Namarana ny faha 3 taonany

kolontsaina
Sabotsy 22 Desambra 2018

Nikatona omaly ny fankalazana ny faha 3 taonan’ny vondron’ny mpikabary ankehitriny na ny VMPA, izay hivondronana fikambanana mpikabary miisa 15.

Araka ny fanazavan’ny filohany, Fitomiandalana, dia efa maro ireo hetsika nankalazana izay faha telo taona izay toy ny velankevitra mitety sekoly sy ny famoahana mpianatra mpikabary. Tetsy amin’ny CMDLAC Analakely kosa no namaranana ny fankalazana ary ny fanolorana ny mariboninahitry ny kanto toy ny Commandeur, officier ary chevalier de l’ordre des arts, des lettres et de la culture avy amin’ny minisiteran’ny kolontsaina sy ny zava-kanto ireo 42 mianadahy mendrika izany kosa no namaranana azy. Isan’ny nahazo ny mari-boninahitra « Officier de l’ordre des arts, des lettres et de la culture » izay moa ilay mpikabary sady mpihira sy mpilalao sarimihetsika malaza, Tcheck Julien Matsubara na Matsubara. Isan’ny endrika iray maneho ny maha malagasy, hoy ity mpanakanto ity, ny kabary. Eo amin’ny fiarahamonina dia misongadina foana ny olona mahay miteny ary lehilahy ny tena ka tsy afaka hitsoaka izany. Efa olom-panjakana ihany koa satria mpikambana ao amin’ny CFM ka tsy maintsy hisy fotoana hiatrehana fitenenana.

J. Mirija