kolontsaina

Vita Malagasy Hitohy ny fampahafantarana ny sangan’asan’i Hardi Bourges

kolontsaina
Zoma 05 Novambra 2021

Nanomboka tamin’ny hetsika filatroana goavana na défilé tetsy amin’ny Ange Doré Anosy ny 30 oktobra 2021 ny fampahafantarana ny sangan’asan’ilay mpanjaitra sy mpanakanto momba ny volo ary endrika amam-bika Malagasy,

Hardi Bourges. Nosalorana ny anarana hoe “Masterpiece made in Madagascar by Hardi Bourges” ireto vokatra ireto, raha ny fanazavana voaray avy amin’ny Mvola izay mpanohana ofisialy izany. Maodely tokana ary amina isa voafetra izany. Ahitana ireo karazana akanjo fianjaika maro toy ny palitao sy somizo ary irony antsoina hoe “trench-coat” irony. Heverina ho isan’ny sangany tsy amin’ny resaka fanjairana ihany ity mpanakanto Malagasy ity, hoy hatrany ny fanazavana, fa isan’ireo maha tolagaga koa ny sangan’asany amin’ny resaka taovolo sy fikojana endrika amam-bika. Efa azo jifaina amin’ny alalan’izay Mvola izay sy azo jerena eny anivon’ireo tambazotran-tserasera isan-karazany ihany koa ireo vokatra vita Malagasy nataon’ity mpanakanto ity, raha ny fanazavana hatrany, ary hitohy rahateo, araka izany, ny fampahafantarana izay sangan’asa izay.
J. Mirija