Village Touristique Mahajanga

Nisy ireo sosotra tamin’ilay hetsika fampilalaovana alika

kolontsaina
Alakamisy 23 Mey 2024

Niteraka olana sy resabe tao Mahajanga ny hetsika fampilalaovana alika « Mahajanga Dog Event »

tao amin’ny Village Touristique. Nanambara ny Mpanjaka Ben'ny Boeny Dina ao an-toerana fa manameloka ireo mpikarakara sy mpanome fahazoan-dalana manao ity hetsika ity. Toerana manana ny tantarany ny eny amin'ny village touristique, hoy izy ka tsy tokony ho tsiratsiraina ny ranomasina. Andaniny, voalaza fa tsy nahazoana alalana io hetsika io, raha ny voarakitry ny fitanana an-tsoratra N°172-24/CU/ MGA/DS/DFCC/CSR navoakan’ny Division Contrôle de déclaration eo anivon’ny Minisiteran’ny atitany any an-toerana ny 8 mey. Voalaza fa tsy nahafeno fepetra ny ACYMA (Association des Cynophile de Mahajanga), ka mbola tsy nahazo alalana, ary tsy mbola nandoa ny haba mifandraika amin’ny hetsika. Inona izany ny mety ho fepetra sy fanapahan-kevitra eo anatrehan’ny fanamelohana samihafa ?
Toky R