VATOBE AO AMBATOMANGA

Efa azo tsidihina,

kolontsaina
Talata 16 Desambra 2025

200 ka hatramin'ny 500 Ar ny saram-pidirana

Efa azo tsidihina ilay Vatobe ao Ambatomanga, kaominîna ambànivohitr'Ambatomanga. Ny Minisiteran'ny Serasera sy ny Kolontsaina amin'ny alalan'ny Foibe Tahiry Lovako sy ny kaominina ambanivohitr'Ambatomanga no mitantana ity Harembako-pirenena "Vatobe Ambatomanga"ity. Nisy ny fivoriana nataon'ireo farany nametrahana ny lamina rehetra momba ny fandraisana ny mpitsidika, ny mpandray vola (percepteurs) ary ny mpitari-dia (guides) izay hiasa ao amin’ny Toeram-bakoka, taorian’ny fanokafana tamin’ny fomba ofisialy ny Harembako-pirenena « Vatobe Ambatomanga ». Efa misokatra araka izany ary efa azo tsidihina ny Vatobe Ambatomanga manomboka izao. Ho fanomezana fahafahampo ny rehetra no tanjona, indrindra ao anatin'izao fialan-tsasatry ny fetin'ny Noely izao. 200 Ariary ny saram-pidirana ho an’ny ankizy raha 500 Ariary ho an’ny olon-dehibe teratany Malagasy. 5 000 Ariary kosa ho an’ny teratany vahiny. Mandray ny fitarainana sy ny fanamarihana rehetra mikasika ny kalitaon'ny fandraisan'olona ny kaominina Ambatomanga sy ny Foibe Tahiry Lovako hoy ny fanazavana azo.
Pati
Légende : Tahaka izao ilay vatobe ao Ambatomanga !