kolontsaina

URBAN SHOW Hampiala voly ny tanora eto an-drenivohitra

kolontsaina
Talata 19 Septambra 2017

Hanome fotoana manokana ireo tanora eto an-drenivohitra amin’ny alalan’ilay hetsika antsoina hoe :

“Urban Show” izay hotanterahina eny amin’ny Village Voara Andohatapenaka ny Media Consulting ny 24 hatramin’ny 26 septambra ho avy izao. Hetsika maro no handravaka ny fotoana, hoy Ramatoa Andriamasinoro Bodo, tompon’andraikitra ara-barotra eo anivon’ny Media Consulting. Anisan’ireny ny fomba fitafin’ny tanora amin’izao fotoana izay hanaovana fanadihadiana manokana mihitsy ny niaviany, ny finday ahitana ireo karazana kilalao maro samihafa mahaliana ny tanora amin’izao, ireo fitaovam-pitaterana malazabe fampiasain’izy ireny toy ny bisikileta sy ny môtô, ny sakafo…Tanjon’ny mpikarakara ny hamondronana tanora mihoatra ny 10.000 isa tsy hanao tsinontsinona ny kolontsaintsika Malagasy nefa tsy tara amin’ny fihazakazahan’ny fivoarana avy any ivelany. Harahina kaonferansa maro samihafa ny hetsika hiantefa manokana amin’ireo lohahevitra mahaliana ny tanora mihitsy.

Pati