kolontsaina

TVM SY SCOOP DIGITAL Mitady mpilalao sary mihetsika vaovao

kolontsaina
Alatsinainy 03 Jolay 2017

Mitady mpilalao sary mihetsika vaovao hanome aina ilay tantara mitohy “Tsy misy mipika” ny televizona Malagasy sy ny tranom-pamokarana Scoop digital.

Tafiditra anatin’ny fanamarihana ny faha-50 taonan’ny TVM izany ka hisy mihitsy ny fandaharana manokana handeha amin’ity haino aman-jerim-panjakana ity hanarahana ny fivoaran’ireo mpilalao hofantenina anatin’ny casting. Nisokatra ny Alakamisy lasa teo ny fisoratana anarana hifarana ny 09 Jolay ho avy izao. Azo raisina ao anatin’izany avokoa ny sokajin-taona rehetra raha araka ny fanazavan’ny mpikarakara raha amin’ny tapaky ny volana Aogositra ho avy izao kosa no hanomboka handeha amin’ny TVM ity tantara mitohy vaovao iray ity. Marihina moa fa hanana endrika nasionaly ny fifantenana satria dia hivelatra amin’ny foko sy karazana kolotsaina maro samihafa ny mason-tsivana. Tsy voatery ireo efa nanana traik’efa teo amin’ny filalaovana tantara an-tsehatra, toy ny teatra nefa no voaray fa mitovy avokoa ny rehetra.

Pati